బాలుడు నడవవలసిన త్రోవను వానికి నేర్పుము ~ F. B. Meyer

పిల్లలను సరైన మార్గంలో పెంచడం

చాలా కాలం క్రితం, సామ్యూల్ టేలర్ కోల్రిడ్జ్ అనే కవి ఒక వ్యక్తితో మాట్లాడాడు. ఆ వ్యక్తి, "పిల్లలకు దేవుడు లేదా మతం గురించి బోధించకూడదని, అలా చేస్తే అది వారి స్వేచ్ఛను అడ్డుకున్నట్లు అనీ, వారు పెద్దయ్యాక తమకు నచ్చిన నమ్మకాన్ని ఎంచుకోవాలని" అన్నాడు. 

కోల్రిడ్జ్ వాదించలేదు, కానీ ఆ వ్యక్తిని తన తోటలోకి ఆహ్వానించాడు. ఆ తోటను చూసిన వ్యక్తి ఆశ్చర్యపోయి, “ఇది తోటనా? ఇక్కడ అంతా కలుపు మొక్కలే!” అన్నాడు.

కోల్రిడ్జ్ నవ్వి, “నేను ఈ తోట స్వేచ్ఛను అడ్డుకోవడం ఇష్టం లేదు. తోటకు తనను తాను వ్యక్తం చేసుకునే అవకాశం ఇచ్చాను,” అన్నాడు.

అతని ఉద్దేశం ఏమిటంటే, తోటకు అందమైన పూలు పెరగాలంటే శ్రద్ధ అవసరం. అలాగే, పిల్లలు మంచిగా పెరగాలంటే మార్గదర్శనం అవసరం.

~F. B. Meyer

పిల్లల హృదయాన్ని వివరించే ఒక  కవిత:

ఒక రోజు నేను మెత్తని మట్టిని తీసుకున్నాను,  

దాన్ని ఎంతో ఆసక్తితో రూపొందించాను.  

నా చేతులతో దానిని మలిచాను,  

అది నా ఇష్టం ప్రకారం మారింది. 

కొన్ని రోజుల తర్వాత మట్టి గట్టిపడింది,  

నేను ఇచ్చిన ఆకారం అలాగే ఉండిపోయింది.  

ఎంత ప్రయత్నించినా, మళ్లీ మార్చలేకపోయాను,  

అది అలాగే ఉండిపోయింది.

అప్పుడు నేను జీవము కలిగిన మట్టిని తీసుకున్నాను,  

ప్రేమతో, శ్రద్ధగా రోజూ దాన్ని రూపొందించాను.  

శక్తితో, కళతో ఆ దానిని మలిచాను,  

అది ఒక చిన్న పిల్లవాడి మృదువైన హృదయం. 

సంవత్సరాలు గడిచిన తర్వాత మళ్లీ చూశాను,  

అది ఒక పెద్దవాడిగా మారింది.  

నేను చిన్నప్పుడు ఇచ్చిన ఆకారం అలాగే ఉంది,  

మళ్లీ దాన్ని మార్చలేకపోయాను.  

సామెతలు 22:6:  "బాలుడు నడవవలసిన త్రోవను వానికి నేర్పుము, వాడు పెద్దవాడైనప్పుడు దానినుండి తొలగిపోడు"